Manuel Noyer «Bavariya»ning umumiy mashg‘ulotlariga qaytdi
Myunxenning «Bavariya» klubi darvozaboni Manuel Noyer jamoaning navbatdagi mashg‘ulotida ishtirok etdi. Bu haqda nemis klubi matbuot xizmati xabar bermoqda. Tajribali posbon yaqinda chap boldir mushagidagi jarohatidan to‘liq qutuldi.
Noyer bilan bir qatorda, himoyachi Rafael Gerreyru ham mashg‘ulotlarni to‘liq o‘tadi. Shuningdek, Alfonso Devis, Aleksandar Pavlovich va Jamal Musiala mashqlarning bir qismini bajarishdi. Myunxenliklarning ikkinchi darvozaboni Yonas Urbig esa hozircha yakka tartibdagi dastur asosida shug‘ullanmoqda.
Eslatib o‘tamiz, Urbig Germaniya terma jamoasi ixtiyorida bo‘lganida jarohat olgan edi.
Joriy mavsumda Noyer klub safida barcha turnirlar doirasida 29 ta o‘yinda maydonga tushib, o‘z darvozasidan 27 ta gol o‘tkazib yubordi va 10 ta uchrashuvda darvozasi daxlsizligini saqlab qoldi.
