«Manchester Yunayted» yozgi ilk transferini amalga oshirdi

“Manchester Yunayted” klubi yozgi transfer oynasini ilk xarid bilan ochdi. Bu haqda taniqli insayder Fabrizio Romano ma’lum qildi.

Manbaga ko‘ra, “qizil iblislar” va “Atalanta” o‘rtasida braziliyalik yarim himoyachi Ederson transferi bo‘yicha barcha hujjatlar imzolangan.

Kelishuv qiymati 45 million yevroga baholanmoqda. Futbolchi bilan rasmiy shartnoma yaqin vaqt ichida imzolanishi kutilmoqda. Qayd etilishicha, shaxsiy shartnoma shartlari tomonlar o‘rtasida yana may oyidayoq kelishib olingan.

26 yoshli yarim himoyachi “Atalanta” safida 2022 yildan buyon to‘p surib kelmoqda. Joriy mavsumda u barcha musobaqalarda 41 o‘yinda ishtirok etib, 3 ta gol va 1 ta assist qayd etdi.

Roziqjon Sultonmurodov

Jurnalist

0 0 0 0 0 0