\"Manchester Yunayted\" yozda \"Milan\" darvozabonini sotib olmoqchi

"Manchester Yunayted" klubi "Milan" va Fransiya terma jamoasi darvozaboni Mayk Menyanni sotib olmoqchi. Bu haqda insayder Nikolo Skira o‘z ijtimoiy tarmoqlarida ma’lum qildi.

Manbaga ko‘ra, “qizil iblislar” 29 yoshli darvozabonning transferi bo‘yicha rasmiy so‘rov yuborgan.

Avvalroq Andre Onana va Altay Bayindir jamoani yozda tark etishi mumkinligi haqida xabarlar tarqalgan edi.

Menyan “Milan” safida joriy mavsum jami 52 ta o‘yin o‘tkazib, 14 ta o‘yinda darvozasi dahlsizligini saqlab qoldi. Uning "rossoneri" klubi bilan tuzilgan amaldagi shartnomasi 2026 yilning yarmigacha amal qiladi.

Roziqjon Sultonmurodov

Jurnalist