«Manchester Yunayted» yarimhimoyani kuchaytirish uchun 150 million funt sarflashga tayyor
«Manchester Yunayted» rahbariyati uch nafar yangi yarimhimoyachini sotib olish uchun 150 million funt sterling (175 million yevro) ajratishga qaror qildi. Mablag‘ning asosiy qismi — 80 million funti (93 million yevro) mavsum yakunida jamoani tark etadigan Kazemironing o‘rnini to‘ldirishga sarflanadi. Bu haqda Daily Mail nashri xabar bermoqda.
Manba bergan ma’lumotlarga ko‘ra, «qizil iblislar» Kazemiroga asosiy o‘rinbosar sifatida «Brayton» yarimhimoyachisi Karlos Baleba nomzodini ko‘rib chiqmoqda. Ushbu transfer klubga aynan 80 million funtga tushishi kutilmoqda.
Mankunianliklarning ikkinchi maqsadi — Manuel Ugartega munosib raqobatchi yoki o‘rinbosar topishdir. Ushbu transfer uchun klub 40 million funt (47 million yevro) sarflashga tayyor. Ushbu ro‘yxatdan «Vest Hem» a’zosi Mateush Fernandesh, shuningdek, «Bornmut» futbolchilari Aleks Skott va Tayler Adams joy olgan.
Bundan tashqari, «Manchester Yunayted» zaxira tarkibini kuchaytirish maqsadida uchinchi yarim himoyachi uchun taxminan 20 million funt (23 million yevro) ajratgan. Klub bu o‘ringa «Sautgempton» vakili Shey Charlzni munosib nomzod deb hisoblamoqda.
