“Manchester Yunayted” Lyuis Xoll uchun taklif tayyorlamoqda
“Manchester Yunayted” yozgi transfer oynasida “Nyukasl” chap qanot himoyachisi Lyuis Xollni o‘z safiga qo‘shib olishni maqsad qilgan. TEAMtalk xabariga ko‘ra, manchesterliklar yaqin kunlarda futbolchi uchun rasmiy taklif bilan chiqishga tayyor.
Manbaga ko‘ra, “Nyukasl” 21 yoshli angliyalik himoyachini taxminan 60 million funt sterlingga baholamoqda. Shunga qaramay, “Manchester Yunayted” futbolchini chap qanot himoyasini kuchaytirish uchun asosiy nomzodlardan biri sifatida ko‘rmoqda va transferni amalga oshirishga jiddiy bel bog‘lagan.
Qayd etilishicha, “Manchester Yunayted” rahbariyati transferni ichki darajada ma'qullagan va endi muzokaralarning keyingi bosqichiga o‘tishga tayyor. Biroq “Nyukasl” o‘zining muhim futbolchilaridan birini qo‘yib yuborishga shoshilmayapti.
Hozircha klublar o‘rtasida rasmiy kelishuv mavjud emas. Biroq yaqin kunlarda “Manchester Yunayted”ning dastlabki taklifi yuborilishi va muzokaralar yanada jadallashishi kutilmoqda.
