«Manchester Yunayted» Karlos Baleba yoki Kuadio Konega qiziqmoqda

«Manchester Yunayted» tarkibni kuchaytirish uchun yana bir yarim himoyachi izlamoqda.

Sky Sports xabariga ko‘ra, mankunianliklar Karlos Baleba yoki Kuadio Koneni sotib olish imkoniyatini diqqat bilan o‘rganib chiqmoqda. «MYU» hozircha «Brayton» bilan aloqaga chiqqani yo‘q, ammo kamerunlik xavbek bo‘yicha potensial bitim variantlarini yana ko‘rib chiqmoqda, «Roma»ning fransuz a’zosi esa arzonroq muqobil variant sifatida baholanmoqda.

«Manchester Yunayted» Koneni sotib olishni xohlayotgan barcha klublar orasida asosiy da’vogar sifatida ko‘rilmoqda, biroq transfer yaqin kunlarda amalga oshishi haqida gapirish hanuz barvaqt.

Ibrohim Jalolov

Redaktor