\"Manchester Yunayted\" Bruno Fernandesh uchun narx belgiladi
"Manchester Yunayted" sardori Bruno Fernandeshga qiziqish bildirayotgan "Galatasaroy" futbolchining transferi uchun qancha to‘lashi kerakligini belgilab qo‘ydi.
Xabarlarga ko‘ra, manchesterliklar 31 yoshli portugaliyalik yarim himoyachini faqat 100 million yevro evaziga qo‘yib yuborishga tayyor. Klub Bruno Fernandeshni jamoaning asosiy futbolchilaridan biri deb hisoblamoqda va uni arzon narxda sotishni rejalashtirmayapti.
Turkiya grandi futbolchining transfer imkoniyatlarini o‘rganmoqda, biroq hozircha rasmiy taklif yubormagan. "Galatasaroy" uchun bunday transferni amalga oshirish moliyaviy jihatdan oson bo‘lmasligi ta'kidlanmoqda.
Bruno Fernandeshning "Manchester Yunayted" bilan amaldagi shartnomasi davom etmoqda va klub rahbariyati uni yangi mavsumda ham jamoa yetakchilaridan biri sifatida ko‘rmoqda.
