“Manchester Siti” Rodri uchun talab qilayotgan summani belgiladi

“Manchester Siti” yarim himoyachisi Rodri Ernandes yozgi transfer oynasida “Barselona”ga o‘tishi mumkin.

Insayder Nikolo Skira ma’lumotiga ko‘ra, Angliya klubi 30 yoshli ispaniyalik futbolchini 60–70 million yevro evaziga qo‘yib yuborishga tayyor.

Manbada qayd etilishicha, Rodri “Barselona” bilan shaxsiy shartnoma shartlari bo‘yicha kelishuvga erishgan. Avvalroq yarim himoyachi “Real Madrid”ga o‘tish variantini rad etgani haqida ham xabarlar tarqalgan.

Shu bilan birga, “Barselona” hozircha Rodri uchun 45 million yevrodan biroz ko‘proq mablag‘ taklif qilishga tayyor ekani aytilmoqda. Tomonlar o‘rtasidagi muzokaralar davom etmoqda.

O‘tgan mavsumda Rodri barcha musobaqalarda 33 ta uchrashuvda maydonga tushib, 2 ta gol urgan.

Nasrullo Karimov

Jurnalist

0 0 0 0 0 0