«Manchester Siti» hali ham o‘z aybsizligini isbotlay olishiga ishonmoqda
«Manchester Siti» rahbariyati moliyaviy qoidabuzarliklar bo‘yicha ishda hali ham o‘z aybsizligini isbotlay olishiga ishonch bildirmoqda. Bu haqda insayder Devid Ornshteyn The Athletic nashri podkastida ma’lum qildi.
Avvalroq mustaqil komissiya «shaharliklar»ni 115 ta ayblovdan 114 tasi bo‘yicha aybdor deb topgan edi.
Jurnalist ta’kidlashicha, bunday ish bo‘yicha hozirgacha o‘xshash pretsedent mavjud emas va tergov jarayonining yakuniy natijasi qanday bo‘lishini hech kim aniq bilmaydi. «Manchester Siti» 2 oktabr, juma kuniga qadar apellyatsiya berish huquqiga ega.
«Siti»ga nisbatan qanday jazo qo‘llanilishi hali aniq emas. Turli taxminlarga ko‘ra, klubga nisbatan ochkolarni olib tashlashdan tortib, Premer-ligadan chetlatishgacha bo‘lgan turli darajadagi sanksiyalar qo‘llanilishi mumkin.
