«Manchester Siti» Anderson transferi bo‘yicha rad javobini oldi, muqobil variant — Tonali
«Manchester Siti» klubi yarimhimoyachi Elliot Anderson transferi bo‘yicha «Nottingem Forest» bilan muzokaralarni davom ettirmoqda, chunki ingliz klubining birinchi taklifi rad etilgan. Insayder Fabrisio Romanoning xabar berishicha, «o‘rmonchilar» ingliz futbolchisi uchun 116 million yevrodan ko‘proq mablag‘ talab qilmoqda.
Manbaga ko‘ra, agar Anderson borasidagi kelishuv amalga oshmasa, «Nyukasl» tayanch yarimhimoyachisi Sandro Tonali «Manchester Siti» uchun yaxshi variantga aylanishi mumkin.
Shuningdek, Londonning «Arsenal» klubi ham italiyalik futbolchiga qiziqish bildirayotgani aytilmoqda.
Tonali 2023 yilning yozida «Milan»dan «Nyukasl» safiga ko‘chib o‘tgan edi. Ortda qolgan mavsumda 26 yoshli futbolchi barcha musobaqalarda jami 53 ta o‘yinda maydonga tushib, 3 ta gol urdi va 7 ta golli uzatmani amalga oshirdi.