\"Manchester City\" yozgi sinovda \"Palermo\"ni yirik hisobda mag'lub etdi
Angliya Premer-ligasining yangi mavsumi boshlanishiga bir haftadan kam vaqt qolgan bir paytda, "Manchester City" yozgi tayyorgarlik doirasida yagona o‘rtoqlik uchrashuvini o‘tkazdi. Italiyada tashkil etilgan bahsda Xosep Gvardiola shogirdlari "Palermo" ustidan 3:0 hisobida g‘alaba qozondi. G‘alldorlar safida Erling Holand bitta, Tijani Reinders esa ikki marta gol kiritdi.
O‘zbekistonlik himoyachi Abduqodir Husanov bellashuvni asosiy tarkibda boshlab, birinchi taymda faol harakat qildi. Tahlilchilar uning jismoniy tayyorgarligi va kurashchanligi yuqori ekanini ta’kidlashdi.
E’tiborli jihati shundaki, Reinders ikkinchi taymda maydonga tushgan bo‘lsa-da, ikki bor to‘p kiritishga ulgirdi va jamoaning yangi mavsumdagi asosiy kuchlaridan biriga aylanishi kutilmoqda.
"City" endi yangi mavsumdagi ilk uchrashuvini 16 avgust kuni mehmon bo‘lib "Vulverxempton"ga qarshi o‘tkazadi. Muxlislar esa Gvardiola jamoasidan yana yuqori natijalar kutishmoqda.
