“Manchester City” klublar o‘rtasidagi Jahon chempionatini 1\/8 finalda tark etdi

Futbol 01 iyl 2025 da 02:02

Bakradze Iman

Redaktor

AQShning Orlando shahrida joylashgan “Camping World” stadionida Klublar o‘rtasidagi Jahon chempionati 1/8 final bosqichida “Manchester City” hamda Saudiya Arabistonining “Al-Hilol” jamoalari o‘zaro to‘qnash keldi. Kattta dramatizmga boy bellashuvda “Al-Hilol” qo‘shimcha daqiqalarda 4:3 hisobida g‘alaba qozondi.

Asosiy vaqt yakuniga ko‘ra, jamoalar 2:2 hisobida durang o‘ynadi. “City” safida Bernardo Silva va Erling Holland, “Al-Hilol”da esa Markos Leonardo hamda Malcom gol urdi.

Qo‘shimcha daqiqalarda Kalidou Koulibaly va Markos Leonardo Saudiya klubi tarkibida navbatdagi gollarni kiritishdi. Angliyaliklardan esa Phil Foden bir bor to‘pni aniq yo‘lladi, biroq bu yetarli bo‘lmadi.

Natiijada, “Al-Hilol” chorak finalga yo‘l oldi va u yerda Braziliyaning “Fluminense” klubiga qarshi maydonga chiqadi.

Aloqador jamoalar va ligalar

Manchester City

Al-Hilal