«Man Siti» va «Chelsi» Chempionlar Ligasida ingliz klublari uchun antirekord oʻrnatdi
«Manchester Siti» va «Chelsi» klublarining 11 mart kuni UEFA Chempionlar Ligasi 1/8 final dastlabki uchrashuvlaridagi yirik mag‘lubiyati turnir tarixida antirekord sifatida qayd etildi.
OptaJoe statistik portalining ma’lum qilishicha, Yevropa chempionlari kubogi va Chempionlar Ligasi tarixida ilk bor Angliyaning ikki klubi bir kunda uchta va undan ko‘p to‘p farqi bilan mag‘lubiyatga uchradi.
Eslatib o‘tamiz, 1/8 finalning dastlabki bahslarida «PSJ» jamoasi «Chelsi»ni 5:2 hisobida taslim etdi. «Manchester Siti» esa Madridda «Real» klubiga 0:3 hisobida imkoniyatni boy berdi.
Jamoalar o‘rtasidagi javob uchrashuvlari 17 mart kuniga rejalashtirilgan. Joriy mavsumning hal qiluvchi uchrashuvi 2026 yil 30 may kuni Budapeshtdagi «Pushkash Arena» stadionida bo‘lib o‘tadi.
