«Man Siti» Foden bilan shartnomani uzaytirish bo‘yicha muzokaralarni boshladi

"Manchester Siti" yarim himoyachisi Fil Foden bilan shartnomani uzaytirish niyatida. Bu haqda jurnalist Pol Hurst xabar berdi.

Fodenning amaldagi bitimi 2027 yilgacha mo‘ljallangan. Biroq "shaharliklar" rahbariyati o‘z tarbiyalanuvchisi bilan hamkorlikni davom ettirishga qat’iy qaror qilgan.

Qayd etilishicha, tomonlar yangi shartnoma bo‘yicha dastlabki muzokaralarni boshlab yuborgan. Klubda so‘nggi yillarda ma’lum pasayishni boshdan kechirayotgan futbolchini to‘liq qo‘llab-quvvatlashmoqda.

Ushbu mavsum Fil Xosep Gvardiola jamoasi safida 45 ta o‘yinda ishtirok etib, 10 ta gol va 5 ta assist muallifiga aylandi.

Roziqjon Sultonmurodov

Jurnalist