«Man Siti» Antuan Semenyo uchun kurashga qoʻshildi

«Bornmut» hujumchisi Antuan Semenyo qishki transferlar vaqtida bir necha top-klublardan rasmiy taklif olishi mumkin. Bu haqda Sky Sports xabar berdi.

Manbaga ko‘ra, 25 yoshli ganalik forvardga «Manchester Yunayted», «Liverpul» va «Tottenhem» hali ham jiddiy qiziqmoqda. Shuningdek, «Manchester Siti» ham Semenyoni xarid qilish variantini ko‘rib chiqmoqda.

Semenyo joriy mavsumda barcha musobaqalar doirasida 12 ta o‘yinda maydonga tushib, 6 ta gol va 3 ta golli uzatma bilan o‘zini ko‘rsatdi. Uning klub bilan amaldagi shartnomasi 2030 yilning yozigacha mo‘ljallangan.

Transfermarkt ma’lumotiga ko‘ra, futbolchining bozor qiymati 55 million yevroni tashkil etadi.

Nasrullo Karimov

Jurnalist