Malcom qishda Yevropaga qaytishi mumkin

"Al-Hilol"ning braziliyalik hujumchisi Malcom Yevropaga yo'l olishi mumkin. Bu haqda jurnalist Ekrem Konur xabar berdi.

Manbaga ko'ra, hozircha nomi oshkor qilinmayotgan klub vakillari 28 yoshli futbolchining transferi uchun 25 million yevro taklif qilgan. Kelishuv qishki transfer oynasida amalga oshirilishi mumkin.

Malcom ham faoliyatini Yevropada davom ettirishga qarshi emas.

Joriy mavsumda braziliyalik futbolchi Saudiya Arabistoni chempionatida 3 ta o'yin o'tkazib, 3 ta gol urdi va 2 ta golli uzatma amalga oshirdi. "Al-Hilol" va hujumchi o'rtasidagi amaldagi shartnoma 2027 yil yozida yakunlanadi.

Roziqjon Sultonmurodov

Jurnalist