Malasia «MYU» sport direktorining harakatlaridan keskin nozori boʻldi
«Manchester Yunayted» himoyachisi Tirell Malasia klub sport direktori Jeyson Uilkoksning harakatlaridan keskin norozi. Bu haqda The Mirror nashri xabar tarqatdi.
Manbaning ta’kidlashicha, aynan Uilkoks 26 yoshli niderlandiyalik futbolchining qishki transfer oynasida jamoani tark etishiga to‘sqinlik qilgan.
talkSPORT ma’lumotlariga ko‘ra, transfer oynasining so‘nggi kunida futbolchi «Beshiktosh»ga o‘tishni yakunlash uchun Turkiyaga uchadigan samolyotga chiqishiga sanoqli daqiqalar qolgan edi. Biroq Uilkoks jarayonga aralashib, transferni to‘xtatgan va himoyachiga «Manchester Yunayted»da qolishni buyurgan.
Malasia joriy mavsumda deyarli o‘yin amaliyotisiz qolmoqda. U Angliya Premyer-ligasida bor-yo‘g‘i bitta uchrashuvda maydonga tushib, unda ham atigi ikki daqiqa harakat qilgan. Futbolchining klub bilan amaldagi shartnomasi shu yozda o‘z nihoyasiga yetadi.
