Maks Doumen APLda gol urgan eng yosh futbolchiga aylandi
«Arsenal» yarimhimoyachisi «Everton»ga qarshi oʻyinda oʻz nomini tabloga yozdirib qoʻydi.
FOTO: Getty Images
«Arsenal» yarimhimoyachisi Maks Doumen Angliya Premyer-ligasining 30-turidan o‘rin olgan «Everton»ga (2:0) qarshi uchrashuvda maydonga tushib, gol urishga muvaffaq bo‘ldi.
Ushbu gol evaziga futbolchi Premyer-liga tarixidagi eng yosh gol muallifiga aylandi. Bu haqda musobaqaning rasmiy X ijtimoiy tarmog‘idagi sahifasida xabar berildi.
Gol urilgan vaqtda futbolchi 16 yosh-u 73 kunlik edi, bu esa yangi rekord natija hisoblanadi. Bungacha mazkur rekord 2005 yilda «Everton» safida 16 yosh-u 270 kunligida gol urgan Jeyms Vonga tegishli edi.
Ayni damda «Arsenal» 70 ochko bilan Angliya chempionati turnir jadvalida yetakchilik qilmoqda.
Nasrullo Karimov
Jurnalist