Maguayr «MYu»da qolish uchun maoshini kamaytirishga ham rozi
Futbolchining shartnomasi yozda yakuniga yetadi.
ФОТО: Getty images
“Manchester Yunayted” himoyachisi Harri Maguayr faoliyatini klub safida yakunlashni istamoqda. Bu haqda The Touchline xabar berdi.
Manbaga ko‘ra, 32 yoshli futbolchi “qizil iblislar” bilan shartnomasini uzaytirish uchun maoshining sezilarli darajada qisqarishiga ham rozi bo‘lishga tayyor.
Futbolchining “Manchester Yunayted” bilan amaldagi shartnomasi 2025/26 yilgi mavsum yakuniga qadar mo‘ljallangan.
Himoyachi klub safida jami 259 ta bahsda maydonga tushib, 17 ta gol urdi hamda 9 ta assist amalga oshirdi.
“Manchester Yunayted” esa Angliya chempionatining turnir jadvalida 4-o‘rinda bormoqda.
Roziqjon Sultonmurodov
Jurnalist