Maguayr «MYU» mashgʻulotlariga qaytdi
«Manchester Yunayted» himoyachisi Harri Maguayr jarohatdan so‘ng jamoaning umumiy mashg‘ulotlariga qaytdi. Bu haqda jurnalist va insayder Fabritsio Romano xabar berdi.
Manbaga ko‘ra, futbolchi Angliya Premer-ligasining 21-turi doirasida «Byornli»ga qarshi o‘yinda maydonga tushishi mumkin. Shuningdek, «qizil iblislar» yarimhimoyachisi va sardori Brunu Fernandesh ham umumiy guruhga qaytgan.
Harri Maguayr joriy mavsumda klub safida 9 ta o‘yin o‘tkazib, 2 ta gol va 1 ta golli uzatma muallifi bo‘lgan. Transfermarkt ma’lumotlariga ko‘ra, uning hozirgi bozor qiymati 10 million yevroni tashkil etadi.
Bruno Fernandesh esa bu mavsumda mankunianlar safida 18 ta o‘yin o‘tkazib, 5 ta gol urgan va 7 ta golli uzatma amalga oshirgan. Portugaliyalik futbolchining transfer qiymati 40 million yevroga baholanmoqda.
Ayni paytda «Manchester Yunayted» Angliya Premer-ligasi turnir jadvalida 6-o‘rinni egallab turibdi.
