Magalyaesh jarohati sabab bir necha hafta maydonga tusha olmaydi
«Arsenal» himoyachisi Senegalga qarshi o'rtoqlik o'yinida safdan chiqqandi.
FOTO: Getty Images
Londonning «Arsenal» klubi himoyachisi Gabriel Magalyaesh bir necha hafta maydonga tusha olmaydi. Jamoa bosh murabbiyi Mikel Arteta bu ma’lumotni tasdiqladi.
«Gabriel bir necha hafta maydonga tusha olmaydi. Keyingi chorshanba kuni yana bir tekshiruv o‘tkazamiz. Bu zarba, ammo bizda juda yaxshi variantlar bor — endi futbolchilar faollashishi kerak», — deya Artetaning so‘zlarini keltiradi insayder Fabrizio Romano.
Himoyachi avvalroq Braziliya milliy jamoasi safida Senegalga qarshi oʻrtoqlik o‘yinida jarohat olgan edi.
Mashhur Transfermarkt portaliga ko‘ra, Gabriel Magalyaeshning bozor qiymati 75 million yevroni tashkil etadi.
Nasrullo Karimov
Jurnalist
