Lyuka Din PSJ bilan 3 yillik shartnoma imzolaydi - Romano
Fransiya terma jamoasi va Angliyaning "Aston Villa" klubi himoyachisi Lyuka Din faoliyatini PSJda davom ettirishga yaqin turibdi.
Fabrizio Romano xabariga ko‘ra, tomonlar uch yillik shartnoma borasida to‘liq kelishuvga erishgan. Endi Parij klubi futbolchining 10 million yevrodan kamroq bo‘lgan tovon pulini to‘lab, transferni rasman yakunlashi kutilmoqda.
Ma'lum qilinishicha, transfer JCh-2026 yakunlanganidan so‘ng rasman e'lon qilinadi. Shu tariqa, 32 yoshli himoyachi faoliyatida ikkinchi bor PSJ libosini kiyadi. U avval ham 2013–2016-yillar oralig‘ida Parij klubi safida to‘p surgan.
Eslatib o‘tamiz, Lyuka Din faoliyati davomida "Lill", "Roma", "Barselona", "Everton" va "Aston Villa" klublarida ham o‘ynagan. Endi esa tajribali chap qanot himoyachisi PSJ safida yangi bosqichni boshlash arafasida.
