Lukaku faoliyatini MLSda davom ettirishi mumkin
Amerika Qo‘shma Shtatlari MLS chempionatida ishtirok etuvchi “Atlanta United” klubi “Napoli” hujumchisi Romelu Lukakuni o‘z safiga qo‘shib olish uchun harakat boshladi. Bu haqda jurnalist Sasha Tavolieri ijtimoiy tarmoqda ma’lum qildi.
Manbaga ko‘ra, Amerika klubi tajribali belgiya hujumchisi transferiga jiddiy qiziqish bildirmoqda. Hozirda tomonlar o‘rtasida muzokaralar davom etmoqda va asosiy e’tibor futbolchining shaxsiy shartnoma shartlarini kelishib olishga qaratilgan.
Avvalroq Romelu Lukakuga Turkiyaning ikki yirik klubi — “Fenerbahche” va “Beshiktosh” ham qiziqish bildirayotgani haqida xabarlar tarqalgan edi. Biroq hozircha MLS vakili ham ushbu transfer uchun jiddiy kurashga qo‘shilgan.
Lukakuning “Napoli” bilan amaldagi shartnomasi 2027 yil iyunigacha amal qiladi. Biroq o‘tgan mavsum u jarohati sababli musobaqalarning katta qismini o‘tkazib yubordi. Natijada tajribali hujumchi barcha turnirlarda atigi 7 ta uchrashuvda maydonga tushib, 1 ta gol urishga muvaffaq bo‘ldi.
