Luka Modrich Lionel Messining jamoadoshiga aylanishi mumkin

39 yoshli xorvatiyalik yarim himoyachi Luka Modrich faoliyatini “Inter Mayami”da davom ettirishi mumkin. Bu haqda Mundo Deportivo nashri xabar bermoqda.

Manbaga ko'ra, Modrich bir mavsum uchun shartnoma imzolaydi. Ta'kidlanishicha, “Inter Mayami” hujumchisi Lionel Messi avvalroq klub rahbariyatidan xorvatiyalik futbolchini taklif qilishni so'ragan.

Ma'lumot uchun, Modrich joriy mavsum barcha turnirlarda 55 ta o'yinda maydonga tushib, 4 ta gol urdi va 9 ta golli uzatmani amalga oshirdi. Uning Transfermarkt'dagi narxi 5 million yevroga baholanmoqda.

Nasrullo Karimov

Jurnalist