Luis Enrike “Lans”ga qarshi mag‘lubiyatdan so‘ng PSJ o‘yiniga baho berdi
PSJ bosh murabbiyi Luis Enrike Fransiya Superkubogida “Lans”ga qarshi o‘yindan so‘ng jamoasining harakatlarini baholadi. Parijliklar ushbu bahsda 0:1 hisobida mag‘lub bo‘lib, sovrinni qo‘lga kirita olmadi.
Ispaniyalik mutaxassis natijaga qaramay, futbolchilarining o‘yinidan qoniqish hosil qilganini ta’kidladi. “Biz kutganimdan ham yuqori darajada o‘ynadik. Yaxshi uchrashuv o‘tkazdik”, — dedi Luis Enrike L1+ telekanaliga bergan intervyusida.
Fransiya Superkubogi bahsida yagona gol “Lans” futbolchisi Floran Toven tomonidan kiritildi. PSJ esa raqib darvozasi oldida bir qator vaziyatlar yaratganiga qaramay, ulardan unumli foydalana olmadi va yakunda 0:1 hisobida imkoniyatni boy berdi.
Ma’lumot uchun, PSJ navbatdagi uchrashuvini 23-avgust kuni Fransiya chempionatining yangi mavsumi doirasida “Renn”ga qarshi o‘tkazadi. Bahs Parij klubining maydonida bo‘lib o‘tadi.
