Luis Enrike: «Kompani — elit darajadagi murabbiy»
«Pari Sen-Jermen» bosh murabbiyi Luis Enrike UEFA Chempionlar Ligasi yarimfinali doirasidagi «Bavariya»ga qarshi birinchi o‘yin oldidan hamkasbi Vensan Kompani haqida iliq fikrlarni bildirdi. Mazkur uchrashuv bugun, 28 aprel kuni bo‘lib o‘tadi.
«Vensan Kompani — elit darajadagi murabbiy, u buni Angliyada isbotlab bo‘lgan. U «Bavariya»ga o‘tganidan so‘ng, jamoa qanday shaklda ekanligi boshidanoq ko‘rindi.
«Bavariya» — men o‘yinlarini tomosha qilishni eng ko‘p yoqtiradigan jamoalardan biri, chunki ular doimo hujumkor futbol namoyish etishadi. Umuman olganda, menga barcha murabbiylar yoqadi, lekin ayniqsa hujumkor uslubdagi mutaxassislarni hurmat qilaman, u ham ana shundaylardan biri», — deya Luis Enrikening so‘zlarini keltirmoqda RMC Sport nashri.
