Luis Enrike: «Barqarorlik borasida «Bavariya» bizdan biroz oldinda»
"Pari Sen-Jermen" bosh murabbiyi Luis Enrike Myunxenning "Bavariya"siga qarshi UEFA Chempionlar Ligasi 1/2 finalining bo‘lajak birinchi o‘yini haqida fikr bildirdi. Uchrashuv 28-aprel kuni bo‘lib o‘tadi.
"Barcha jamoalar mavsumning yakuniy qismiga eng yaxshi formada yaqinlashishga intiladi. Kenten Njantudan tashqari barcha futbolchilar tayyor. Aynan Chempionlar Ligasining sehri futbolchilarni motivatsiya qiladi. Biz juda yaxshi holatdamiz.
Bu Yevropadagi ikki eng yaxshi jamoaning o‘yini bo‘ladi, garchi "Arsenal" ham ajoyib mavsum o‘tkazayotgan bo‘lsa ham. Barqarorlik borasida "Bavariya", ehtimol, bizdan biroz oldinda, chunki ular atigi ikkita o‘yinda mag‘lub bo‘lishdi. Ammo biz ko‘rsatayotgan o‘yin darajasi bo‘yicha bizdan yaxshiroq jamoa yo‘q", — deya Enrikening so‘zlaridan iqtibos keltiradi RMC Sport.
