Luis Dias kelajagi borasida bir qarorga keldi

Futbol 03 may 2025 da 12:03

Roziqjon Sultonmurodov

“Liverpul”ning kolumbiyalik hujumchisi Luis Dias klubda qoladi. Bu haqda Diario Sport nashri xabar berdi.

Qayd etilishicha, “Barselona” klubi 28 yoshli futbolchiga jiddiy qiziqib qolgan edi. Diasning o‘zi esa “Barsaga” o‘tish fikridan voz kechishga qaror qilgan.

Ma’lumotlarga ko‘ra, Luis “Liverpul” bilan amaldagi shartnomasini uzaytirish bo‘yicha muzokaralar olib bormoqda. Uning “qizillar” bilan amaldagi shartnomasi 2027 yil iyuniga qadar mo‘ljallangan. Transfermarkt portali ma’lumotiga ko‘ra, futbolchining transfer narxi 85 million yevroga teng.

Joriy mavsumda Luis Dias “Liverpul” safida barcha musobaqalarda 47 ta o‘yinda qatnashib, 16 ta gol urdi va 8 ta golli uzatma muallifi bo‘ldi.

Aloqador jamoalar va ligalar

Liverpool