Luis de la Fuente Ispaniya terma jamoasi bilan shartnomasini 2032 yilgacha uzaytirdi
Ispaniya Futbol Federatsiyasi (RFEF) milliy terma jamoa bosh murabbiyi Luis de la Fuente bilan yangi shartnoma imzolanganini ma’lum qildi. Tomonlar o‘rtasidagi kelishuv 2032 yilgacha amal qiladi.
Federatsiya de la Fuente boshchiligidagi terma jamoa erishgan natijalarni yuqori baholadi. Ispaniyalik mutaxassis qo‘l ostida jamoa Millatlar ligasi, Yevropa chempionati va Jahon chempionatida g‘olib chiqdi. Shuningdek, Ispaniya uzoq vaqt davomida mag‘lubiyatsiz o‘yinlar seriyasini qayd etib, milliy terma jamoalar orasida tarixiy natija o‘rnatdi.
«Shartnomaning 2032 yilgacha uzaytirilishi o‘z mamlakatida tarbiya topgan murabbiy bilan hamkorlikdagi davomiylikni ta’minlaydi. Yevropa va jahonni zabt etgan de la Fuente yangi siklga mehnatsevarlik, kamtarlik, birdamlik va jamoaviy ruh tamoyillari asosida kirib boradi», — deya ma’lum qildi RFEF matbuot xizmati.
