“Liverpul”ning yozdagi asosiy transfer maqsadi ma'lum bo'ldi

Futbol 30 apr 2025 da 07:19

Nasrullo Karimov

Jurnalist

“Liverpul” yozgi transferlar vaqtida “Nyukasl”ning shvetsiyalik hujumchisi Aleksandr Isakni o'z safiga qo'shib olmoqchi. Bu haqda The Telegraph nashri xabar bermoqda.

Manbaga ko'ra, “magpiylar” 25 yoshli futbolchi uchun kamida 120 million funt sterling talab qilmoqda.

Qayd etilishicha, mersisaydliklar Isakning transferi uchun xuddi shu mablag'ni to'lashga tayyor.

Ma'lumot uchun, Isak joriy mavsum barcha turnirlarda 39 ta o'yinda maydonga tushib, 26 ta gol urdi va 6 ta golli uzatmani amalga oshirdi. Uning Transfermarkt'dagi narxi 100 million yevroga baholanmoqda.