«Liverpul»ning Shlotterbek transferi boʻyicha pozitsiyasi maʼlum boʻldi

«Liverpul» qishki transfer oynasida Dortmundning «Borussiya» klubi himoyachisi Niko Shlotterbekni sotib olish rejasidan voz kechdi. Bu haqda Mirror nashri Bild’ga tayanib xabar berdi.

Manbaga ko‘ra, «asalarilar» 26 yoshli futbolchini sotishga tayyor, chunki uning klub bilan tuzgan shartnomasi 2027 yilda yakunlanadi va klub uni bepul qo‘yib yuborishni istamaydi. Shunga qaramay, Shlotterbek «Liverpul» uchun asosiy transfer maqsadi hisoblanmayapti.

Eslatib oʻtamiz, Shlotterbek 2022 yil yozidan beri Dortmund klubida to‘p surmoqda. Joriy mavsumda u barcha turnirlar doirasida 14 ta o‘yinda ishtirok etib, ikki bor golli uzatma berdi. Transfermarkt ma’lumotiga ko‘ra, futbolchining bozor qiymati 40 million yevroni tashkil etadi.

Nasrullo Karimov

Jurnalist