«Liverpul»ni boshqarishi mumkin boʻlgan yana ikki nomzod maʼlum boʻldi
«Liverpul» Arne Slot ishdan bo‘shatilishi mumkin bo‘lgan taqdirda «Kristal Pelas» bosh murabbiyi Oliver Glasnerni uning o‘rniga nomzod sifatida ko‘rib chiqmoqda. Bu haqda Caught Offside xabar berdi.
Manbaga ko‘ra, mersisaydliklar rahbariyati avstriyalik mutaxassisni yaqin kelajak uchun real variant deb biladi. «Qizillar» Glasner jamoani barqarorlashtirishga qodir va raqobatbardoshligini saqlab qoladi, deb hisoblamoqda.
Uzoq muddatli strategik tanlov sifatida «Liverpul» hozirda «PSJ»ni boshqarayotgan Luis Enrike nomzodini ham ko‘rib chiqmoqda. Ispan mutaxassisi «sinovdan o‘tgan g‘olib, o‘zini o‘ylaydigan futbolchilarni boshqara oladigan va hujumiy prinsiplarga rioya qiladigan» murabbiy sifatida tavsiflanadi.
Eslatib oʻtamiz, Angliya chempionati 15-turidan so‘ng «Liverpul» 23 ochko to‘plab, 10-o‘rinda bormoqda.
