«Liverpul»ga Yildiz kerak

"Liverpul" tarkibni kuchaytirish maqsadida "Yuventus" hujumchisi Kenan Yildizni o‘z safiga qo‘shib olmoqchi. Bu haqda Caught Offside xabar berdi.

Manbaga ko‘ra, turkiyalik 20 yoshli futbolchiga "Liverpul"dan tashqari "Chelsi" va "Arsenal" ham qiziqish bildirmoqda.

Avvalroq, "Yuventus" klubi APLning ikki jamoasidan tushgan taklifni rad etgandi.

Hozirda klub va futbolchi o‘rtasida yangi shartnoma bo‘yicha muzokaralar davom etmoqda. Turinliklar uni 2030 yilgacha uzaytirilgan bitim orqali o‘z loyihasining muhim qismi sifatida saqlab qolishga ishonmoqda.

Ma’lumot o‘rnida, joriy mavsumda Yildiz 13 ta o‘yinda 3 ta gol va 4 ta assist qayd etdi.

Roziqjon Sultonmurodov

Jurnalist