«Liverpul» texnik muammolar sabab YChL doirasidagi «Ayntraxt»ga qarshi o‘yinga ucha olmadi

«Liverpul» klubi texnik muammolar sabab Angliyadan Frankfurt shahriga uchib keta olmadi. Aynan shu yerda jamoa Chempionlar ligasi umumiy bosqichining 3-turida «Ayntraxt»ga qarshi maydonga tushishi kerak edi.

Uchrashuv Germaniyaning Frankfurt shahridagi «Frankfurt Arena» stadionida boʻlib oʻtadi. O‘yinga Fransua Leteksa boshchiligidagi hakamlar brigadasi jalb etilgan.

Eslatib oʻtamiz, «Liverpul» Chempionlar ligasi umumiy bosqichining dastlabki ikki turida 3 ochko jamgʻarib, turnir jadvalida 17-o‘rinda bormoqda. «Ayntraxt» hisobida ham shuncha ochko bor va nemislar 15-o‘rinni egallab turibdi.

Nasrullo Karimov

Jurnalist