«Liverpul» Tayler Mortonni qaytarish imkoniyatini ko‘rib chiqmoqda
«Liverpul» Angliya Premer-ligasining Tayler Mortonga qiziqish bildirayotgan yetti klubidan biri hisoblanadi. Bu haqda TEAMtalk xabar berdi.
23 yoshli yarim himoyachi «Liverpul» akademiyasi tarbiyalanuvchisi bo‘lib, 2025 yil yozida «Lion»ga to‘liq transfer asosida o‘tgan edi. Endi futbolchi «Enfild»ga qaytishi mumkin.
Manbaga ko‘ra, Morton xizmatlariga «Liverpul»dan tashqari «Nottingem Forest», «Kristal Pelas», «Brayton», «Nyukasl Yunayted», «Sanderlend» va «Everton» klublari ham qiziqish bildirmoqda.
Morton «Liverpul» akademiyasida tarbiyalangan va asosiy jamoa safida ham bir qator uchrashuvlarda maydonga tushgan. 2025 yil yozida esa uning «Lion»ga to‘liq transferi amalga oshirilgan.
Joriy mavsumda 23 yoshli futbolchi barcha musobaqalar doirasida 10 ta uchrashuvda ishtirok etib, 1 ta gol urdi.
Mortonning «Lion» bilan amaldagi shartnomasi 2030 yil yoziga qadar mo‘ljallangan. Transfermarkt ma’lumotlariga ko‘ra, angliyalik yarim himoyachining bozor qiymati hozirda 30 million yevro atrofida baholanmoqda.
