«Liverpul» Salohga oʻrinbosar sifatida ikki nafar nomzodni koʻrib chiqmoqda

«Liverpul» skautlari «Bornmut» hujumchisi Antuan Semenyo hamda «Nyukasl» vingeri Entoni Gordon oʻyinlarini diqqat bilan kuzatib bormoqda.

Football Insider nashrining xabariga koʻra, mersisaydliklar ushbu futbolchilarga boʻlgan qiziqishni kuchaytirgan. Bunga Muhammad Salohning kelajagi borasidagi noaniqlik sabab boʻlgan.

Manbaga koʻra, «qizillar» Semenyo va Gordonning raqib jarima maydoniga faol kirib borish mahoratini hamda hujum chizigʻining bir nechta pozitsiyalarida oʻynay olish qobiliyatini qadrlamoqda.

Maʼlumot uchun, Semenyo joriy mavsum barcha turnirlarda 9 ta oʻyinda maydonga tushib, 6 ta gol urdi va 3 ta golli uzatmani amalga oshirdi. Gordon esa 10 ta o'yin o'tkazib, 4 ta gol va 1 ta golli uzatmaga mualliflik qildi.

Nasrullo Karimov

Jurnalist