«Liverpul» Saloh o‘rniga Uilyamsni sotib olmoqchi
Biroq futbolchining narxi qimmatligi bitim amalga oshishiga jiddiy to‘siq bo‘lishi mumkin.
ФОТО: Getty images
“Liverpul” rahbariyati Muhammad Salohning ehtimoliy ketishiga tayyorgarlik ko‘rmoqda.
Dailysports nashri xabar berishicha, mersisaydliklar Saloh ketadigan bo‘lsa, uning o‘rniga “Atletik” vingeri Niko Uilyamsni sotib olmoqchi.
Biroq futbolchining narxi balandligi bitim amalga oshishiga jiddiy to‘siq bo‘lishi mumkin.
Eslatib o‘tamiz, o‘tgan yozda 23 yoshli ispaniyalik futbolchi “Atletik” bilan shartnomasini 2035 yil iyun oyi oxirigacha uzaytirgan. Ushbu kelishuvda 95 million yevro miqdoridagi to‘lov evaziga sotib olish bandi mavjud.
Ma’lumot uchun, ushbu mavsumda Niko barcha musobaqalarda 16 ta o‘yin o‘tkazib, 3 ta gol urdi va 2 ta golli uzatmani amalga oshirdi.
Roziqjon Sultonmurodov
Jurnalist