“Liverpul” Nik Voltemade transferiga qiziqish bildirmoqda
“Liverpul” “Nyukasl” hamda Germaniya terma jamoasi hujumchisi Nik Voltemadeni yozgi transfer oynasida o‘z safiga qo‘shish imkoniyatini ko‘rib chiqmoqda.
CaughtOffside xabariga ko‘ra, mersisaydliklar hujum chizig‘ini kuchaytirish variantlarini o‘rganmoqda va 24 yoshli futbolchining salohiyatini yuqori baholamoqda. Voltemadening o‘zi ham, “Nyukasl” rahbariyati ham barcha tomonlarni qoniqtiradigan taklif tushsa, transferga qarshi emas.
Nemis hujumchisi 2025-yilning yozida “Shtutgart”dan “Nyukasl”ga 75 million yevro evaziga o‘tgan edi. U o‘tgan mavsumda barcha musobaqalarda 51 ta uchrashuv o‘tkazib, 11 ta gol va 5 ta golli uzatma qayd etdi.
Transfermarkt portali Voltemadening ayni paytdagi qiymatini 55 million yevroga baholamoqda. Hozircha “Liverpul” va “Nyukasl” o‘rtasida rasmiy muzokaralar boshlangani haqida ma’lumot yo‘q.
