«Liverpul» magʻlubiyatsiz seriyasini toʻqqizta oʻyinga yetkazdi

«Liverpul» Angliya Premer-ligasi doirasidagi mag‘lubiyatsiz seriyasini to‘qqizta uchrashuvgacha uzaytirdi. Kecha, 8 yanvar kuni merseysaydliklar APLning 21-turi doirasida «Arsenal»ga qarshi maydonga tushib, 0:0 hisobidagi durang qayd etdi.

So‘nggi bor «qizillar» Angliya chempionatida 2025 yil noyabr oyining oxirlarida mag‘lub bo‘lgan — o‘shanda «Liverpul» «Nottingem»ga 0:3 hisobida yutqazgandi. Shundan buyon Arne Slot shogirdlari to‘rtta g‘alabani qo‘lga kiritib, beshta uchrashuvni durang bilan yakunladi.

Bugungi holatga ko‘ra, «Liverpul» Angliya Premer-ligasi turnir jadvalida to‘rtinchi o‘rinni egallab turibdi. Keyingi turda «qizillar» o‘z maydonida «Byornli»ni qabul qiladi.

Nasrullo Karimov

Jurnalist