«Liverpul» Jyul Kundeni oʻz safiga qoʻshib olmoqchi

«Barselona» klubi va Fransiya terma jamoasi himoyachisi Jyul Kunde faoliyatini Angliya Premyer-ligasida davom ettirishi mumkin. Daily Mail nashrining xabar berishicha, «Liverpul» ushbu futbolchini o‘z safiga qo‘shib olishni maqsad qilgan.

Manba bergan ma’lumotlarga ko‘ra, fransiyalik futbolchining transfer bahosi taxminan 80 million yevroni tashkil qilishi mumkin.

Kunde 2022 yilning yozidan buyon «Barselona» sharafini himoya qilib kelmoqda — u kataloniyaliklar tarkibiga «Sevilya»dan o‘tgan edi.

Joriy mavsumda Jyul «ko‘k-anorranglilar» safida barcha musobaqalarda 35 ta o‘yinda maydonga tushib, 3 ta gol va 2 ta golli uzatmani amalga oshirdi. Transfermarkt portali 27 yoshli himoyachining bozor qiymatini 65 million yevroga baholamoqda.

Nasrullo Karimov

Jurnalist