“Liverpul” ikki futbolchisini Osimhenning transferiga aralashtirmoqchi

Futbol 17 iyn 2025 da 10:59

Nasrullo Karimov

Журналист

“Liverpul” “Napoli”ning 26 yoshli hujumchisi Viktor Osimhenning transferi borasida muzokaralar olib bormoqda. Bu haqda TEAMtalk nashri xabar berdi.

Manbaga ko'ra, mersisaydliklar nigeriyalik futbolchini almashish uchun Federiko Kyeza va Darvin Nunesni ham shartnomaga qo'shishga tayyor. So'nggi kunlarda Nunes va Kyeza ishtirokida klublar o'rtasida dastlabki muzokaralar o'tkazildi.

Ta'kidlanishicha, “Liverpul” Osimhenning atrofidagilar bilan ham aloqada bo'lib turibdi. Biroq transferga forvardning maosh talablari to'siq bo'lishi mumkin.

Ammo “Liverpul” Nunes va Kyezaning sotuvidan yiliga 15 million funt sterling tejab qoladi, bu pulni esa Osimhenning maoshiga sarflashi mumkin.