“Liverpul” Grinvud uchun asosiy da'vogar

Futbol 23 apr 2025 da 10:35

Roziqjon Sultonmurodov

Jurnalist

“Marsel” hujumchisi Meyson Grinvud faoliyatini APLda davom ettirishi mumkin. Bu haqda TeamTalk xabar berdi.

Manbaga ko'ra, “Liverpul” klubi Grinvudga qiziqish bildirmoqda. Mersisaydliklar yozda 23 yoshli ingliz hujumchisi uchun 35 million yevro sarflashga tayyor.

“Manchester Yunayted”ning sobiq futbolchisi APLga qaytishga tayyorligi ham xabar qilingandi.

Futbolchining “Marsel” bilan shartnomasi 2029 yilning yozida nihoyasiga yetadi. Joriy mavsumda u Fransiya chempionatida 30 o'yinda 18 ta gol urdi va 3 assistni qayd etgan.