“Liverpul” Anjelo Shtillerga qiziqish bildirmoqda: “Shtutgart” yarim himoyachi uchun kamida 60 million yevro talab qilmoqda

“Shtutgart”ning markaziy yarim himoyachisi Anjelo Shtiller faoliyatini Angliya Premer-ligasida davom ettirishi mumkin. 24 yoshli futbolchiga “Liverpul” katta qiziqish bildirmoqda, deb xabar bermoqda Stuttgarter Nachrichten.

Manba ma’lumotiga ko‘ra, inglizlar Shtillerni yarim himoyani mustahkamlash uchun jiddiy nomzod sifatida ko‘rmoqda. “Shtutgart” futbolchini faqat 60 million yevrodan kam bo‘lmagan mablag‘ga sotishga tayyor. Aks holda klub muzokara o‘tkazish niyatida emas.

Shtiller yakunlangan mavsumda barcha musobaqalarda 45 ta o‘yinda ishtirok etib, 4 ta gol urdi va 9 ta golli pas berdi. Uning “Shtutgart” bilan tuzgan shartnomasi 2028 yilgacha amal qiladi.

Bakradze Iman

Redaktor