“Liverpul” Alisson bilan shartnomani uzaytirmoqchi emas
“Liverpul” darvozabon Alisson Beker bilan yangi shartnoma imzolashni rejalashtirmayapti. Xabarlarga ko‘ra, klub braziliyalik futbolchining kelasi yozda erkin agent sifatida jamoani tark etishiga tayyorlanmoqda.
33 yoshli darvozabonning amaldagi shartnomasi 2027-yil yozida yakuniga yetadi. Klub ichida uning yoshi va so‘nggi mavsumlardagi jarohatlari ham kelajak bo‘yicha qarorga ta’sir qilayotgan omillardan biri sifatida ko‘rsatilmoqda.
Alisson joriy mavsumda “Liverpul” safida barcha musobaqalarda 4 ta uchrashuvda maydonga tushib, 5 ta gol o‘tkazib yubordi. U bir uchrashuvda o‘z darvozasi daxlsizligini saqlab qoldi.
Ma’lumot uchun, Alisson “Liverpul” safida 2018-yildan buyon to‘p surib kelmoqda. Klub uning ketish ehtimolini hisobga olib, darvozabonlar chizig‘ida kelajak uchun variantlarni tayyorlab bormoqda.
