«Liverpul» 71 yil oldingi antirekordini qayd etdi
Angliyaning "Liverpul" jamoasi so‘nggi 12 o‘yinning to‘qqiztasida mag‘lub bo‘ldi.
Natiajada bu klubning 1953 yil noyabrdan 1954 yil yanvargacha bo‘lgan davrdan buyon qayd etilgan eng yomon natijasidir.
Unga ko‘ra, oradan 71 yil o‘tib, ingliz klubi yana o‘sha antirekordini takrorladi. "Liverpul" "Kristal Pelas" (APL), "Galatasaroy" (YECHL), "Chelsi" (APL), "Manchester Yunayted" (APL), "Brentford" (APL), "Kristal Pelas" (Angliya Kubogi), "Manchester Siti" (APL), "Nottingem Forest" (APL) hamda "PSV" (YECHL) kabi jamoalarga yutqazdi.
Klub "Real", "Aston Villa" hamda "Ayntraxt" kabi jamoalarni mag‘lub etishga erishdi. Umuman olganda, "qizillar" so‘nggi 3 ta bahsda 10 ta gol o‘tkazib yuborib, atigi bir marta raqib darvozasini ishg‘ol qilgan.
Hozirda "qizillar" YECHL turnir jadvalida 9 ochko bilan 13-o‘rinda bormoqda.
