Livakovich -- “Barselona” futbolchisi (Romano)
Xorvatiyalik darvozabon Dominik Livakovich “Fenerbahche”dan “Barselona”ga o‘tdi. 31 yoshli futbolchi Kataloniya klubi bilan shartnoma imzolagan. Transfer haqida mashhur insayder Fabrizio Romano ma’lum qilgan.
Manbaga ko‘ra, “Barselona” Livakovic uchun 2 million yevro to‘laydi. Shuningdek, kelishuvda yana 2 million yevrogacha bonuslar ko‘zda tutilgan.
“Barselona” xorvatiyalik darvozabonni darhol ijaraga berishni rejalashtirmoqda. Livakovic 2027-yil yozidan boshlab, Voytsex Shesni shartnomasi yakunlangach, jamoaning ikkinchi darvozaboni bo‘lishi kutilmoqda.
Ma’lumot uchun, Livakovic o‘tgan mavsumning bir qismini “Jirona”da, keyingi qismini esa Zagrebning “Dinamo” klubida ijara asosida o‘tkazgan. Shuningdek, u “Fenerbahche” safida ham bir nechta uchrashuvda maydonga tushgan. O‘tgan mavsumda darvozabon jami 19 ta o‘yinda ishtirok etib, 18 ta gol o‘tkazib yuborgan va 8 uchrashuvda darvozasi daxlsizligini saqlagan.
