Lionel Messi Madriddagi yong‘indan zarar ko‘rgan hududga 80 ming yevro xayriya qildi
“Inter Mayami” va Argentina terma jamoasi sardori Lionel Messi Ispaniyaning Madrid avtonom hududidagi yong‘inlardan jiddiy zarar ko‘rgan Sierra-Oeste mintaqasini tiklash uchun 80 ming yevro xayriya qildi.
Madrid avtonom hududi prezidenti Isabel Dias Ayuso argentinalik futbolchiga ko‘rsatgan yordami uchun minnatdorlik bildirdi. U Madrid aholisi Messini yaqin vaqt ichida shaxsan kutib olish va munosib olqishlashga umid qilayotganini ta’kidladi.
Mazkur hududda sodir bo‘lgan yong‘inlar natijasida o‘n minglab gektar yer zarar ko‘rgan. Messining xayriyasi esa yong‘indan keyingi tiklash ishlari, infratuzilma va tabiiy hududlarni qayta tiklashga yo‘naltirilishi kutilmoqda.
Lionel Messi avval ham o‘z jamg‘armasi orqali turli xayriya va ijtimoiy loyihalarni qo‘llab-quvvatlab kelgan.
