Lionel Messi JCh-2026 finalidagi mag‘lubiyatdan so‘ng yig‘lab yubordi
Argentina milliy terma jamoasi hujumchisi Lionel Messi JCh-2026 finalida Ispaniyadan qabul qilingan mag‘lubiyatdan (0:1) keyin ko‘z yoshlarini tiya olmadi.
Messi uchrashuvni asosiy tarkibda boshladi va maydonda to‘liq 120 daqiqaga yaqin harakat qildi, biroq o‘yinda samarali harakatlar bilan ajralib tura olmadi.
Eslatib o‘tamiz, uchrashuvning 90+3-daqiqasida Argentina terma jamoasi maydonda bir kishi kam bo‘lib qolgandi: Enso Fernandes ikkinchi sariq kartochkani olib, maydondan chetlatildi. Ispaniyaga chempionlikni taqdim etgan yagona golni esa 106-daqiqa o‘tib borayotganda hujumchi Ferran Torres kiritdi.
Shu tariqa, Argentina terma jamoasi amaldagi chempionlik unvonini himoya qila olmadi. Ma’lumot uchun, 2022-yilgi Jahon chempionati finalida Argentina Fransiya terma jamoasini mag‘lub etib, bosh sovringa ega chiqqan edi.
