Libertadores kubogi. «Flamengo» yarimfinalning dastlabki oʻyinida «Rasing»ni kichik hisobda magʻlub etdi
Tomonlar oʻrtasidagi javob oʻyini 29 oktyabrdan 30 oktyabrga oʻtar kechasi boʻlib oʻtadi.
FOTO: Getty Images
22 oktyabrdan 23 oktyabrga oʻtar kechasi Rio-de-Janeyrodagi «Marakana» stadionida Janubiy Amerikadagi eng nufuzli klublar turniri — Libertadores kubogi yarimfinalining dastlabki uchrashuvi boʻlib oʻtdi. Unda Braziliyaning «Flamengo» klubi Argentina vakili «Rasing» ustidan 1:0 hisobida gʻalaba qozondi.
Uchrashuvdagi yagona gol 88-daqiqada kolumbiyalik yarimhimoyachi Xorxe Karraskal» tomonidan kiritildi.
Maʼlumot uchun, tomonlar oʻrtasidagi javob oʻyini 29 oktyabrdan 30 oktyabrga oʻtar kechasi Argentinaning Avelyane shahridagi «Xuan Domingo Peron» stadionida oʻtkaziladi.
Libertadores kubogi. Yarimfinal
«Flamengo» — «Rasing» 1:0
Gol: Karraskal (88).
Nasrullo Karimov
Jurnalist