Levandovski yangi klubi bilan muzokara o'tkazmoqda
Polshalik hujumchi okean ortiga yo'l olishi mumkin.
ФОТО: Getty images
"Barselona" hujumchisi Robert Levandovski 2026 yilda jamoasini o'zgartirishi mumkin.
Jurnalist Nizaar Kinsellaning xabar berishicha, polshalik 37 yoshli forvard faoliyatini MLSda davom ettirishi mumkin.
Unga "Chicago Fire" jamoasi jiddiy qiziqish bildirmoqda. MLS klubi polshalik futbolchi bilan "ijobiy" muzokaralar o'tkazgan.
Qayd etilishicha, "Chicago Fire" Levandovskining maosh borasidagi talablarini muammosiz qondirishi mumkin.
Joriy mavsumda Robert Levandovski "Barselona" safida 17 ta o'yinda maydonga tushib, 8 ta gol urdi va 2 ta golli uzatmani amalga oshirdi.
Roziqjon Sultonmurodov
Jurnalist